شەفەق نیوز/ سەرچەوەیگ ئەمنی لە زیقار، رووژ یەکشەممە، خەوەردا لە مردن و زەخمداری هەفت کەس وە رووداو هاتوچوو لە باشوور پارێزگاگە. 

سەرچەوەگە وە ئاژانس شەفەق نیوز وت: رووداو هاتوچو رخبەریگ  لە مابەین دو ماشین سالۆن لەبان ری ناودەوڵەتی زۊینە لە ناوچەی ئوم عەنیج سەر وە سنوور قەزای سوق شیوخ باشوور زیقار، بۊیە هووکار مردن دەسوەجی چوارکەس و زەخمداری سێ کەس لەلی کەفت. 

سەرچەوەگە ئاشکەرا کرد، " ماشین فریاکەفتن و دەزگا ئەمنیەیل وە کوتپڕ رەسینە شۊن روداوەگە، تەرمەیلە ئەرا فەرمانگەی پزشک دادوەری کلکردنە ئەرا تەواوکردن رێکارەیل یاسایی، زەخمدارەیلیش ئەرا خەسخانەی سوق شیوخ کلکردنە ئەرا وەرگردن چارەسەری".