شەفەق نیوز/ سەرچەوەیگ ئەمنی لە پارێزگای موسەنا، ئمڕوو شەممە، خەوەردا لە کوشیان و زەخمداری 5 زیارەتکەر وە رویداویگ هاتوچو دڵتەزن باکوور خوەرهەڵات شار سەماوە.
سەرچەوەگە ئەرا ئاژانس شەفەق نیوز وت: ماشینیگ مارکەی مەرسیدس لە ئاوای دوخان لە قەزای وەرکا باکوور خوەرهەڵات شار سەماوە پلیا، دویای ئەوە کە داد لە پایەی کارەبا کە ماشینەگە لەدەس راننکەی دەرچگە، وتیش؛ زیارەتکەرەیلیگ لەناو ماشینەگە بوینە روی وەرەو کەربەلا کردوێن.
سەرچەوەگە دیاری کرد کە رویداوەگە بویە هوکار کوشیان دوو کەس و زەخمداری 3 کەس ترەک، کە تەرمەیل ئەرا پزشک دادوەری بریان، و زەخمدارەیل ئەرا خەسەخانە.