شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە مردن و زەخمداری نۆ ئەندام ئەمنی وە رویداویگ هاتوچو لەبان ری بەغدا کەرکوک ک وە ری مەرگ ناسریاگە.
سەرچەوەگە وە ئاژانس شەفەق نیوز وت، "سێ ئەندام لە حەشد شەعبی گیان لە دەسدانە و شەش کەسیش زەخمدارە لە ئەنجام لەیەکداین دوو ماشین سەر وە حەشد شەعبی و سووپای عراق لە ری بەغدا کەرکوک نزیک سەربازگەی ئەشرەف 50کم لە باکوور بەعقووبە".
وتیش، "زەخمدارەیلە ئەرا خەسخانەی تایبەت کلکریانە و تەرمەیلەش ئەرا فەرمانگەی پزیشک دادوەری و دەسڵاتدارەیل ئەمنی لێکۆڵینەوە لە رویداوەگە وازکردنە.