شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە کوشیان گەنجیگ و ژنیگ وە دوو رویداو جیاجیا لە دەورگرد قەزای خاڵس- باکوور بەعقووبە.
سەرچەوەگە ئەرا ئاژانس شەفەق نیوز وت: ژنیگ گیانی لە دەسدا لە ئەنجام رویداویگ تلیان لەبان ری خاڵس - بەعقووبە.
وتیش؛ تەرم ژنەگە ئەرا پزشک دادوەری بریا، و دەسەڵاتەیل پەیوەندیدار لێکۆڵینەوە لە رویداوەگە واز کردن.
لە رویداویگتر، گەنجیگ لەناو چەم خاڵی لە ئاوای تەحویلە، ٧ کێلومەتر وەرەو خوەرھەڵات قەزای خاڵس خنکیا.
سەرچەوەگە دیاری کرد ک گەنجەگە مەوقەی تەقەلای مەلوانیکردن لەناو چەمەگە خنکیا، و تەرمەگەی دراوردن و ئەرا پزشک دادوەری کلی کردن.