شەفەق نیوز/ سەرچەوەیگ ئەمنی لە پارێزگای زیقار، ئمڕوو جومعە، خەوەردا لە کوشیان دوو مامووستا وە دوو پەلاماردان چەکداری جیاجیا لەناوڕاس شار ناسریە ناوەن پارێزگاگە.
سەرچەوەگە وە ئاژانس شەفەق نیوز خەوەردا، " کەسەیل نەناسریایگ هەڵسیانە وە کوشتن مامووستایگ زانکۆ وە ناو (عەباس سیرامیک) لە دویای ئەوەگ ری لەلی گردنە لە کویچەی عەسکەری ناوڕاس ناسریە وە چەقوو تیژ پەلاماری دانە.
سەرچەوەگە وتیش،" تاوانباریل ئەرا شوین نادیاریگ واینە و تەرم کوشیاگە ئەرا پزیشک دادوەری کلکریاس تا ریکارەیل یاسایی ئەرای تەواو بکریەد".
لە رویداویگ جیا مامووستای زانکۆ ( عەقیل ناسڕی) فەرمانبەر لە وەزارەت پەروەردە کوشیاگە وە پەلاماریگ چەکداری ک کەسەیلیگ نەناسریایگ وەبان ماتۆرسکیل لە کویچەی عەسکەری ناوڕاس شار ناسڕیە وەپای هەمان سەرچەوە.
ئاشکەرایکرد، وە دوو گولە لە سینگ و زگی تویش زەخمدار بویە و دەسوەجی گیان لەدەسداس.