سەرچەوەیل ئەرا ئاژانس شەفەق نیوز وتن: پیاییگ لەناو تەمەن پەنجا ساڵە، خوەی لە بان پیەڵ ئاسنین لە چەم دیالە ناوڕاس شار بەعقووبە خستە خوار دیاری کرد کە گەنجەیلیگ لەناو چەمەگە مەلەوانی کردیان رەسینە هاناێ و ڕزگاری کردن.
هەمیش لە دیالە، ئەفسەریگ وە پلەی عەقید لە پولیس، و رویداویگ هاتوچو لەبان ری حەمرین جەلەولا زەخمدار بوی.
ئەرا بەسرە، کە هیزەیل ئەمنی تەرم گەنجیگ ناو تەمەن سی ساڵان پەیا کردن کە گولە لە سەری دریاس و تەرمەکەی لەناو بووسانیگ لە ناحیەی سافی باکوور شار بەسرە وەجی هیشتنە.
وەگورەی سەرچەوەیل، هیزیگ ئەمنی رەسیە شوین رویداوەگە و تەرمەگە ئەرا پزشک دادوەری بریا و لێکۆڵینەوەی یاسایی لە رویداوەگە واز کریا.
لە پارێزگای میسان، کابرایگ تفەنگ وەدەس تەقە وەبان ماڵیگ لە قەزای عمارە کرد، کە زەرەد وە روی ماڵەگە رەسان.
سەرچەوەیل دیاری کردن کە خاوەن ماڵەگە سکاڵا لەبان کەسیگ توومار کرد کە تەقە لە ماڵەگەی کردگە، لە ئەنجام دەمەقاڵیگ لەبان پویل.