شەفەق نیوز/  سادق عەتیە پسپۆر لە کەشناسی، ئمڕوو جومعە، وت: لە هەرێم کوردستان واران وەردەوام بوود تا رووژ شەممە و چوار پارێزگا گرێدەو بەغدای پایتەختیش ها لە مابەینیان وەگەرد داوەزین ریژەی خوەڵ و توز لە سەرانسەر وڵاتەگە.  

عەتیە لە پۆستیگ لەبان تووڕ کۆمەڵایەتی وت: " جومعە خوەڵوتوز بەرەوبوود شەپۆڵیگ لە خوەڵ خەسیگ و مامناوەندیگ دەێد لە شارەیل ناوراس و باشوور کاریگەریەگەی رەسێدە زیاتر لە 24 ساعات"، وتیش "لە  پیشبینیەیل دیاری کەێد  رووژ ئمڕوو جومعە تا وەرجە نیمەڕوو شەممە لە ناوچە جیاوازەیل لە شارەیل ناوراس و باشوور وەردەوامە". 

وەگەرد وەردەوامی  واران  لە جویر واران و گرمەهڕ وەردەوام بوود وە شیوەی پچڕپچڕ  تا سوو.  عەتیە وتیش، لە شارەیل باکوور واران وەردەوامە ئمڕوو تا سوو شەوەکی و ناوچەیل باکوور ئەنبار و سەڵاحەدین و هاتێ باکوور بەغدا و دیالە بگرێدەو وەشیوەی واران تونیگ. 

دیاریکرد،" ئاڵشتکاری وەهارانە کەمەو بوود لە ناوراس و باشوور  و وەگەرد کەمەوبوین خەسی خوەڵەگە لەماوەی رووژ شەممە وەگەرد جیگیربوین وەختانەی  وای باکور خوەرهەڵاتی".