شەفەق نیوز/ سەرچەوەیگ ئەمنی وەرپرس، ئمڕوو جمعە، خەوەردا لە زەخمداری چەن کەسیگ وە دوو مرافەی چەکدار لە دوو ناوچەی جیاجیا لە بەغداد.

سەرچەوەگە ئەرا ئاژانس شەفەق نیوز وت: مرافەیگ خیزانی لەناونی چەن کەسیگ لە قەزای مەدائین قومیا و رەسیە چەک چەرمگ و بویە هووکار زەخمداری یەکیگ لە لایەنەیگ مرافەگە.

وتیش؛ ٣ مەدەنی لەوەر مرافەیگ هووزانە لە شار سەدر لە بەغداد زەخمدار بوین، و هێزیگ ئەمنی دەسوەردان کرد و ٤ کەس لە لایەنەیل مرافەگە دەسگیر کرد، و دەس نابان دوو چەک کلاشینکۆف لەلایان.