شەفەق نیوز/ کەشناس عراقی عەلی جابر زیادی مەزەنەی گلەوخواردن وای "توزاوی حوزەیران" کەێد لە سوو جومعەوە، وتیش لەناوچەی ناوڕاس و باشوور وڵاتەگە تونترەوبوود.
زیادی وە ئاژانس شەفەق نیوز وت، " مەزەنەیل دیاری کەن ئەرا گلەوخواردن گورجی وا لە سوو جومعەو ک وە " وای حوزەیران" ناسریاگە ک لە رووژ دەسوەپی کەێد و خەسترەوبوود وە تایبەت لە شارەیل باشوور و بڕیگ لە شارەیل ناوڕاس".
وتیش، ئی وا بوودە هووکار بەرزەوبوین تەپوتووز سووکیگ و کەشوهەواگە ئاسایەو کەێد لە رووژ وە لە شەویش خوەشەو بوود، ئی چالاکیە تا کۆتایی حوزەیران زەردەوامە.
زیادی لەباوەت پلەی گەرمیەو راگەیان، " پلەی گەرمی نزیک لە رێژەی سروشتی مینێد لە سەرەتای چلەگانە، و لە رووژ جومعە وە سێ پلە داوەزین وە خوەی دوینێد".