شەفەق نیوز/ فەرماندەی پۆلیس بەسرە، ئمڕوو یەکشەممە، راگەیان دروسکردن دەسەیگ لە بەرزترین ئاست ئەرا لێکۆڵینەوە لە تاوان کوشتن چالاکوان مەدەنی تەحسین ئوسامە.
ئوسامە لەبان دەس چەکدارەیلیگ نەناسریاگ وە وەشانن ٢٠ گولە کوشیا ، وەختا لە دوکانەگەی خوەی لە بار ئەنتەرنێت کارکردیاد لە ناوڕاس شار بەسرە.
فەرماندەی پۆلیس بەسرە لە بەیاننامەیگ رەسیە ئاژانس شەفەق نیوز وت: لە یەکەمین چرکە لە تاوان کوشتن چالاکوان تەحسین ئوسامە لە شوون کارەگەی لە ناوچەی جونەینە، دەسەی لێکۆڵینەوە دروسکریا لە بەرزترین پلەگان لە بارەگای وەڕێوبەرایەتی پۆلیس بەسرە، و ئەفسەرە وەتواناگان دیرن لێکۆڵینەوە کەن و زانیاری وبەڵگەیل و ووردەکاریەیل رووداوەگە گردەو کەن و توێژینەوە لە شوون تاوانەگە کەن.
وتیش؛ چەودیریەگە لەلایەن وەزارەت ناوخۆ وەردەوامە، ولێکۆڵینەەگان وەردەوامن.