شەفەق نیوز/ وەزارەت ناوخوەی، ئمڕوو چوارشەممە، راگەیان، مەفرەزەیل ئاژانس هەواڵگێری/ وەڕێوەبەرایەتی دژە تاوانەیل رێکخریاگ تایوەت وە بەڕەنگاربوین وە بازرگانیکردن مرۆڤ، باندیگ( 6 )کەسی دەسگیرکردن لەدویاس رەسین زانیاری باندیگ بازرگنیکردن وە دویەتەیل هەس و ئەرا کارەیل بەدڕەوشتی وەکاریان تیەرێن لە بەغداد.
وەزارەتەگە لە بەیاننامەیگ راگەیان "دەسوەجی تیمیگ کارکردن هەواڵگێری و وەدویاچگن مەیدانی دروسکریا، و لەدویای دڵنیابوین لە راسی زانیاریەگە و وەرگردن رەزامەنی فەرمی دادگا توومەتبارەیل وە ئەو تاوانە دەسگیرکریان.
وەپای بەیاننامەگە، ئەندامەیل باندەگە دویەتەیلیگ وەپیان بویە کە ئەرا کارەیل بەدڕەوشتی وەکارهاوردنەسەیان لەوەر وەدەسهاوردن بڕە پویلیگ و دیاریکرد لە لێدوانەگەیان دان وە تاوانیان دانانە و ئەرا لایەنی تایوەت کلکریانە تا سزای دادپەروەرانەی خوەیان وەربگرن.