شەفەق نیوز/ سەرچەوەیگ چەودێر لە میسان، ئمڕوو یەکشەممە، خەوەردا لە دەرچگن فەرمان وەسێدارەدان لەبان سەرکردەیگ لە بزووتنەوەی عەسایب ئەهل حەق وە سەرکردایەتی قەیس خەزعەلی، وەتوومەت تیرۆر.
سەرچەوەگە ئەرا ئاژانس شەفەق نیوز وت: دادگای نواگردن تاوانەیل میسان فەرمانیگ وەسێدارەدان لەبان حەسەن تراز کنانی سەرکردە لە عەسایب ئەهل حەق وەگورەی مادەی ٤ تیرۆر لە یاسای سزادان عراقی دەرکرد.
وەرجەیە، شانەی راگەیانن ئەمنی لە دوانزەی شوبات راگەیان دەسگیرکردن تاوانبار حەسەن تراز غلەێم ک وەرپرسە لە چەن تاوانیگ کوشتن و رفیان و تیرۆرکردن لە میسان.