شەفەق نیوز/ عوسمان غانمی وەزیر ناوخۆ، ئمڕوو پەنجشەممە، وەگەرد شاندیگ کوردی پایەبەرز، شمارەیگ لە پەیوەندیدارەیل لەباوەت ئەمنی لەناوی بوی، لەلیان جەبار یاوەر بوی ئەمیندار گشتی وەزارت باوەتەیل پێشمەرگە لە هەرێم کوردستان، باس لە باوەتەیل ئەمنی لەناوبەین هەرێم کوردستان و حکومەت فیدڕاڵی کریا.
نووسینگەی راگەیانن وەزیر ناوخۆ لە بەیاننامەیگ رەسیە ئاژانس شەفەق نیوز وت: وەزیرەگە باس بڕیگ لە باوەتەیل خاوەن گرنگی هاوبەش کریا، لەلیان هەماهەنگی و هاوکاری و بتەوکردن ئاسایش و ئارامی بوی، وەتایبەت لە ناوچەیل هاوبەش لەناوبەین هێزە ئەمنیەیلە و پاسەوان هەرێم.
وتیش؛ باس لە بتەوکردن ئاسایش لە ناوچەیل سنووری و پاڵپشتیکردن هێزەیل پێشمەرگە وە ئامێرەیل جەنگی، و خاسەوکردن کار لە داناین کامیرایل گەرمی کریا وەتایبەت لە کەرت وەرپرسایەتی لیوای سێیەم لە فەرماندەی ناوچەی یەکەم لە سنوور پارێزگای سلێمانی و هەڵەبجە.
وەزیر ناوخۆ دووپات کرد ک هێزەیل پاسەوان هەرێم کوردستان عراق خاوەن دەورە گەوراگە بوین لە شکانن چەتەیل داعش تیرۆر و نواگردن تاوان.
لەلای خوەییش، شاندە کوردیەگە سوپاس و رێز خوەی ئەرا وەزیر ناوخۆ پێشکەش کرد ئەرا كرنگیداین گەورەی لە پاڵپشتیکردن ئاسایش و ئارامی، و هەمیش وەردەوامی لە پەیوەندی وەگەرد جووراجور چینەیل دەزگا ئەرا وەدەسهاوردن ئاسایش لە جووراجور ناوچەیل وڵاتەگە.