شەفەق نیوز/ حەسەن تمیمی وەزیر تەندروسی و ژینگە، ئمڕوو دووشەممە، راگەیان تەمە تایبەتەیل تایبەت وە مانگ رەمەزان، و دووپات کرد ک نیمچە قەیەغەی هاتووچگن لە ساعەت هەفتە ئیوارە تا پەنج شەوەکی دەس وەپیکەێد.
تمیمی لە بەیاننامەیگ رەسیە ئاژانس شەفەق نیوز وت: قەیەغە گشتگیرەگە لەماوەی مانگ رەمەزان تەنیا لە رووژەیل جمعە و شەممە بوود، و ئاماژە کرد ک شایەت ئەگەر پابەندی نەوی قەیەغە گشتگیرەگە بوودە رووژەیل پەنجشەممە و جمعە و شەممە.
وتیش؛ چێشتخانەیل لەبنەمای رەسانن ئەرا ماڵەیل کار کەن، و هەمیش دەرفەت ئەرا کارکردن دوکانەیل شیرینی دریەێد، و باس لە خوازینەیلیگ مرۆیی کرد ک هیشتن شوونەیلیگ ئەرا ژیان و گوزەرانی مەردمەگە وە مەرجەیل تەندروسی واز بکریەن.
تمیمی وتیش؛ هەمیش ری ئەرا دەرمانخانە ونووڕینگەیل و بەشیگ لە شوونە گرنەگەیل لە نانەواخانەیل و شوونەیلیگ تر دریا.