شەفەق نیوز/ دەسەی کەشناسی پیشبینی کەێد، وڵاتەگە لە ماوەی دو رووژ ئایندە کەشوهەوا واراناوی وە تونی جیاوازیگ و پلەی گەرمی ‌‌خوار 35 دۊنێدە خوەی.  

دەسەگە لە بەیانامیگ باسکرد، کەشوهەوای سوو چوارشەممە لە ناوچەیل ناوراس نیمە ئەورە وەگەرد وای باکوور خوەرئاوای سوکیگ تا مامناوەن  و خێرایی(10-20)كم/س  وە مەودای دۊنین (6-8)كم.

لە ناوچەیل باکوور ئەورە وەگەرد واران وە تونی جیاوازەیل ک گرمەهڕ ها وەگەردی جاروەجار و وای باشوور خوەرهەڵات سوکیگ تا مامناوەندیگ وە خێرایی(10-20)كم/س  وە مەودای دۊنین (6-8)كم.

و لە ناوچەیل باشوور  نیمە ئەورە تا ئەور وەگەرد دەرفەت واران وارین  وایگ وە ئاراستەیل جیاواز سوکیگ وە تونی (5-10)كم/س و مەدوای دۊنین (6-8)كم.  نزمترین پلەی گەرمی لە بەغدا 20 پلەی سەدیە و بەرزترین 32 پلەی سەدی.  

نزمترین پلەی سەدی15 پلەی سەدیە لە هەولێر و تکریت و بەرزترینی لە نەجەف و بەسرە 21 پلەی سەدی و نزمترین پلەی گەرمی گەورەگە لە سلێمانی 29 پلەی سدیە و بەرزترین لە دیالە و ئەنبار و ناسریە و بەسرە 34 پلەی سەدی. 

کەشوهەوای رووژ پەنجشەممەی ئایندە لە گشت ناوچەیل ئەورە وەگەرد واران وارین وە تونی جیاوازەیل بڕیگ جار گرمەهڕ وەگەرد بەرزەوبۊن کەمیگ پلەی گەرمی.