پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت  ئمڕوو سەعات 11 رەسیە 155200 دینار عراقی وەرانوەر 100 دۆلار ئەمریکی.  شەوەکی ئمڕوو، نرخ دۆلار رەسیە 154300 دینار عراقی وەرانوەر 100 دۆلار ئەمریکی.    

پەیامنێرمان وتیش؛ نرخ فرووشتن و سەنین لە دوکانەیل بەغداد  رەسیە 156500 دینار عراقی وەرانوەر 100 دۆلار ئەمریکی، و نرخ سەنینی رەسیە 154500 دینار.     

لەهەولێر پایتەخت  هەرێم کوردستانیش نرخ دۆلار بەرزەوبوین وەخوەیدی، ک نرخ فروشتن رەسیە 155200 عراقی وەراوەر 100 دۆڵار ئەمریکی، و نرخ سەنینی 155150 عراقی وەرانوەر 100 دۆلار ئەمریکی.

وەی هووکارە دەیان خوەنیشاندەر تویڕە لەوەردەم بانک ناوەندی عراق لەناوڕاس بەغدای پایتەخت خوەنیشاندانکردن لەبان بەرزەوبوین نرخ دۆلار.

خوەنیشاندەرەیل پەرچەم عراق بەرزەوکردبوین وەگەرد تابلۆی داواکاری ئەنجامداین رێکارەیل زوییگ ئەرا سنووردارکردن بەرزەوبوین نرخ دۆلار.