شەفەق نیوز/ دوو سەرچەوەی ئەمنی لە سەڵاحەدین خەوەردان لە مردن و زەخمداری 10 مەدەنی وە رویداو هاتوچوی و مەرافە.
سەرچەوەیگ ئەمنی وە ئاژانس شەفەق نیوز وت، دوو مەدەنی گیان لەدەسدانە و دوانیش زەخمداربویە وە لەیەکداین دوو ماشین لەبان ری کەرکوک- تکریت.
وتیش، تەرمەیلە ئەرا پزیشک دادوەری کلکریایە زەخمدارەیلەیش ئەرا خەسخانە.
لە قەزای سامەرایش، 6 گەنج زەخمداربوین لە ئەنجام جەنگە چەقوو لە کویچەی قادسیە لە دەوروگەرد قەزاگە وەپای سەرچەوەیگتر.
دیاریکرد، هێزەیل ئەمنی لە شوین رویداوەگە ئامادەبوین و شمارەیگ لەو کەسەیلە ک هووکاربوینە دەسگیرکردنە و زەخمدارەیلیش کلکریاگە ئەرا خەسخانەی سامەرا.