شه‌فه‌ق نيوز/ وه‌زاره‌ت خارجيه‌ى عراقى، ئاشكراى مردن هاووڵاتييگ تر عراقى كرد وه ڤايرۆس كۆرۆنا له شانشين يه‌كگرتگ بريتانى.
له‌ى باوه‌ته‌و، ئه‌حمه‌د سه‌حاف قسه‌كه‌ر وه‌ناو خارجيه‌ى عراق له به‌ياننامه‌يگ ئه‌را شه‌فه‌ق نيوز وت: هاووڵاتييگ عراقى له ئه‌نجام تويشهاتنى وه ڤايرۆس كۆرۆنا گيان له‌ده‌سداگه.
باس له‌وه‌يش كرد باڵيۆزخانه‌ى عراقى وه‌ل ئه‌و نه‌خوه‌شخانه ك ئه‌و هاووڵاتى عراقيه له‌تى بويه‌و مردگه چه‌وديرى ته‌واوكردن رێ وشوونه‌يل وه‌رگرتن ته‌رمه‌گه‌ى و راده‌سكردنى وه خيزانه‌گه‌ى ئه‌كا وه‌ل وه‌خاسپاردنى له يه‌كيگ له قه‌ورسانه‌يل له‌نده‌ن.
جى باسه، يه‌يش دويه‌مين حاڵه‌ت مردنه له‌ناو رووڵه‌يل په‌نابه‌ر عراقى له له‌نده‌ن، ئه‌ويش له‌ئه‌نجام تويشهاتن وه ڤايرۆس كۆرۆنا، ك يه‌كه‌م حاڵه‌ت له شار مانشسته‌ر بوێ وه‌رجه دو رووژ.