شەفەق نیوز/ قایمقام قەزای شەترە لە پارێزگای زیقار،ئمڕوو پەنجشەممە، رەسین هیزیگ سەربازی گەورەیگ ئەرا قەزاگە راگەیان.
حەیدەر غالب قایمقام شەترە ئەرا ئاژانس شەفەق نیوز وت: یەکیگ لە لیوایل سوپای عراق رەسیە ناوەند قەزاگە لەپشت رویداوەیل دویایین، وتیش؛ ئیسە سوپاگە وە شیوەی خەسیگ دەروازەیل شارەگە گردنە.
وتیش: بڕیار پارێزگار وە قەیەغەی هاتوچو لەناو قەزاگە هیمان جیگرە، و دووپات کرد ک پلانیگ ئەمنی هەس ئەرا دەسکردن وە سزادان ئەوانەگ دەسیان هاناو مرافەیل هووزانە لە شەترە.
دویەکە چوارشەممە، سەرچەوەیگ ئەمنی لە زیقار ئەرا ئاژانس شەفەق نیوز وت: هیزیگ سەربازی لە بەغداد هاتگە، و ئەوەسا رووژ پەنجشەممە رەسێدە قەزای شەترە، لە وەختیگ هیزەیل ئەمنی گەپیگ ئۆپراسیۆنیگ ئەمنی جیوەجی کردن، لەناوی ٢٢ کەس دویای کوشیان وەڕیەوبەر هەواڵگری ئۆپراسیۆنەیل سۆمەر لەقەزاگە لەپشت مرافەیگ هووزانە دەسگیر کردن.