شەفەق نیوز/ دەسەی دارایی لە پەرلەمان عراق، ئمڕوو شەممە، دەرفەتیگ ئەرا یەکلاکردنەوەی ناکۆکیەگان لەناوبەین بەغداد و هەولێر لەبان بوودجەی ساڵ ٢٠٢١ دیاری کرد، و هەڕەشەی دەنگدان لەبان بوودجەگە وەبی پەرلەمانتارە کوردەگان دا، هەکاتی یاسای قەرزکردنەگە.
سامر زیبان ئەندام دەسەگە ئەرا ئاژانس شەفەق نیوز وت: تا ئیسە هیچ رێککەفتنیگ لەناوبەین بەغداد و هەولێر لەبان بەش هەرێم کوردستان لە پڕۆژەی یاسای بوودجەی ساڵ ٢٠٢١ نییە، و مەزەنە کرد ک شایەت بچن ئەرا دەنگدان لە بان بوودجەگە وەبی کورد جوور ئەوەگ لە یاسای پەککەفتن داراییەگە بوی، ئەگەر رێککەفتنەگە کەفتە دیر.
زیبان ک خوەی نۆینەر هاوپەیمان فەتحە، وت: نێخوازیمن وەیجوورە روی بکەیمن، بەڵکم خوازیمن بەشداری و رێککەفتن لە ڕیخستن بوودجەی ٢٠٢١ لەناونی گشت لایەنە سیاسیەگان بوود.
وتیش: لە ماوەی ئی سێ رووژ ئایندە چەوەڕی رێککەفتنیگ لەناوبەین بەغداد و هەولێر کەیمن، تا ئی باوەتە وەیکجاری یەکلاوە بکریەێد، و ئەگەر نە، ئەوەسا ناچار بویمن وەبی کورد دەنگ لەبان بوودجەگە بیەیمن.