شه‌فه‌ق نيوز/ ئوسامه نوجێفى سه‌رۆك وه‌رين په‌رله‌مان عراقى، له ديمانه‌يگ تايبه‌ت ئه‌را "ئه‌لعه‌ره‌بيه" و "ئه‌لحه‌ده‌س" وت: ئه‌و حزبه‌يله ك ده‌سگرتنه‌سه ده‌سڵاته‌و وه ئاسانى دويره‌و ناخريه‌ن، وه‌لێ فشار جاده ناچاريان ئه‌را گووش له داواكارى خوه‌ينيشانده‌ره‌يل بگرن.
نوجێفى باس له‌وه‌يش كرد ملله‌ت عراقى وجوود ئيرانى له‌ناو خاكه‌يلى و ده‌سخاڵه‌تكردن له كاروبار تايبه‌تى له ناوچه‌يل ناوڕاس و باشوور ره‌ته‌و ئه‌كا.
نوجێفى هه‌ميش وت: ئيمه هه‌ڵوژاردنه‌يل پيشوه‌خته ئه‌نجام ئه‌يه‌يم ئه‌را راسه‌وكردن پرووسه‌ى سياسى له عراق و جه‌ختيش له خواست وجوود سه‌رپه‌رشتى ناونه‌ته‌وه‌يى كرد ئه‌را هه‌ڵوژاردنه‌يل ئاينده‌و ئاماژه وه‌يه‌يش كرد ئيران ده‌خاڵه‌ت له كاروبار عراق ئه‌كاو رێگه وه كزه‌وكردنى له عراق نايه‌ێد و كار له‌بان دامه‌زانن ئمبراتۆريه‌تيگ ئه‌كا له ناوچه‌گه‌و يه‌يش ئه‌وه‌سه له عراق و لوبنان و يه‌مه‌ن شكه‌ست ئه‌يه‌رێد.