شه‌فه‌ق نيوز/ ئه‌نجومه‌ن هه‌نارده‌كردن پيشه‌سازيه‌يل ئه‌ندازيارى له مسر، ليسيگ وه‌ناو ئه‌و ده‌وڵه‌ته‌يله دانا ك جوور ده‌رفه‌تيگ ته‌ڵايى زانيده ئه‌را زيايكردن ريژه‌ى هه‌نارده‌يلى ئه‌رايان، ئه‌ويش له‌وه‌ر سوود وه‌رگرتن له نه‌وين به‌رهه‌مه‌يل چينى ئه‌را بازاڕه‌يليان.
ئه‌نجومه‌نه‌گه له ليسته‌گه‌ى ناو ئه‌و ده‌وڵه‌ته‌يله ده‌رخستگه ك پيكهاتنه له(سه‌نيگال و كاميرۆن له خوه‌رئاوا، كينيا له خوه‌رهه‌ڵات، زامبيا جوور ده‌روزازه له باشوور، وه‌ل ئه‌وه‌يشا مه‌غرب و ئيمارات و عراق له وڵاته‌يل عه‌ره‌بى هه‌ڵوژرياگه، بيجگه وڵاته‌يليگ له خوه‌رهه‌ڵات و باكوور ئۆرپا جوور مه‌جه‌ر و ئه‌ستونيا و هۆڵه‌ندا له ئۆرپا.
جى باسه، ئه‌نجومه‌نگه باس له‌وه كرد بڵاوبوينه‌وه‌ى ڤايرۆس كۆرۆنا وه‌شيوه‌ى گه‌ورايگ كاريگه‌رى دروس كردگه له‌بان جموجويل بازرگانى جه‌هانى و دوير نيه نه‌خشه‌ى ئابوورى جه‌هانى ئاڵشت بكا ته‌نانه‌ت ئه‌رگه‌ر ئه‌را وه‌خت كه‌ميگيش بويه.