شه‌فه‌ق نيوز/ سه‌رچه‌وه‌يگ پزيشكى، ئاشكراى ئه‌وه كرد پاريزگاى نه‌جه‌ف نزيكه‌ى 90 حاڵه‌ت تازه وه ڤايرۆس كۆرۆنا تۆمار كردگه، ك يه‌يش به‌رزترين شماره‌يگه له‌وه‌ختيگه‌و ڤايرۆسه‌گه په‌يا بويه له پاريزگاگه.
ئه‌و سه‌رچه‌وه ئه‌را ئاژانس شه‌فه‌ق نيوز وت: ئه‌نجامه‌يل وشكانن تاقيگايى ئه‌وه ده‌رخستنه ك 87 حاڵه‌ت تويشبوين تازه وه ڤايرۆسه‌گه ده‌ركه‌فتنه.
جى باسه، يه‌يش له‌وه‌ختيگه تويشبوين وه ڤايرۆس كۆرۆنا له‌سه‌رجه‌م عراق وه‌شيوه‌يگ ئاشكرا دياره‌و رووژانه له هه‌زار حاڵه‌ت كرده‌سه بان وه‌ل به‌رزه‌وبوين شماره‌ى حاڵه‌ته‌يل مردن.