شەفەق نیوز/ پارێزگار دهۆک، عەلی تەتەر، ئمڕوو پەنجشەممە، لە پۆستیگ لەبان تووڕ فەیسبووک تایوەت وە خوەی راگەیان لەوەر ناجیگیریەیل سنوور قەزای شنگال، نزیکەی هەزار و ٧٠٠ خیزان ک شمارەیان زیاترە لە ١٠ هەزار کەس، لە شنگالەو ئاوارەبوین و رەسینە ئەرا پارێزگای دهۆک.
عەلی تەتەر بڵاوکردیە، ئەرا ئاگاداربوین لە رەوش ئەو خیزانەیلە لە شنگالەو ئاواره بوین، سەردان "سحێلای" کردیە. لەباوەت شوین نیشتەجیبوینیان وت، ئەو کەسەیلە لەناو کەمپ و کەسوکارەیلیان لە ئاوای و کۆمەڵگەیل نیشتەجی کریانە.
وتیش، لایەنە پەێوەندیدارەیل لە حکومەت هەرێم کوردستان ئاگاداریان کردیە ک گشت هاوکاریگ ئەو کەسەیلە بکەن ک لە شنگالەو ئاوارەبوینە.