شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا ک کامپ سەربازی عێن ئەسەد لە پارێزگای ئەنبار کەفتە وەر پەلاماریگ مووشەکی.
سەرچەوەگە ئەرا ئاژانس شەفەق نیوز وت: لای کەمەو ١٠ مووشەک لە مارکەی گڕاد داگە دەورگرد ئەو کامپە ک هێزەیل هاوپەیمان ناودەوڵەتی هاناوی، وتيش تا ئیسە هیچ زەخمداربوینیگ لەوەر مووشەکەیل تۆمار نەکریاگە.
سەرچەوەگە ئاماژە کرد ک دەس نریا بان ماشینیگ مارکەی کەیا، پلاتفۆڕم مووشەکیگ هەڵگردگە، ئەوەیش لە ناوچەی دوولاب لە قەزای هیت لە باکوور شار رەمادی.