شەفەق نیوز/ شانەی قەیرانەگە لە پەرلەمان، ئمڕوو دووشەممە، ئاشکرای ووردەکاریەیل نیمچە قەیەغەی هاتووچگن کرد ک تەگبیرە لە ماوەی مانگ رەمەزان بوود.
رۆژنامەی سەباح حکومەتی لە زوان سەڵمان غەرباوی ئەندام شانەی قەیرانەگە لە پەرلەمان وت: قەیەغەی هاتووچگنەگە لە مانگ رەمەزان ئەوەسا نیمچەیی بوود، لە ساعەت هەفت ئیوارە دەس وەپیکەێد تا ساعەت پەنج شەوەکی یا لەوە کەمتر، و دووپات کرد ک توانای چەسپانن قەیەغەی گشتگیر نییە، چوونکە مەردمەگە دەوام و کارەیلیگ کۆمەڵایەتی دیرن.
و دیاریکرد ک کار چێشتخانەیل کەفێدە بان تەنیا رەسانن ئەرا ماڵەیل، و بایەدە لەبان رینمایل وەزارەت تەندروسی گشت کارمەنەیل واکسین وەربگرن.
غەرباوی وتیش: دەسەگە تەمەی گرنگی ناچارکردن گشت هاووڵاتییەیل وە وەرگردن واکسینەگە کرد، تا کۆمەڵگاگە لە کاریگەریەیل ڤایرۆسەگە خاسەو بوون، چوونکە لەماوەی زیاتر لە یەک ساڵ گیانەیل فرەیگ دەرەو کرد.