شەفەق نیوز/ ئەنجومەن دادوەری باڵا، ئمڕوو یەکشەممە، راگەیان پابەندی تەواوەتیی وە بڕیارەگان شانەی قەیرانەگە لە باوەت دەوام فەرمی لە دادگایل وڵاتەگە.
ئەویش لە وەڵام پەیام وداوایلیگ هات ک رەسیەسە ناوەند راگەیانن لە لایەن پارێزەرەیل لە باوەت هاتنەوەی دەوام فەرمی.
ئەنجومەنەگە لە بەیاننامەیگ رەسیە ئاژانس شەفەق نیوز وت: بریار هاتنەوەی دەوام فەرمی لە دادگا و فەرمانگەیل سەروە ئەنجومەن دادوەری باڵا پەوەندیدارە وە بڕیارەیل شانەی قەیرانەگە، چوونکە دادگاگان بەشیگن لە دامەزراوەیل دەوڵەت، و پابەندن وە ریکارە ئەمنی و تەندروسیەگان دەوڵەتەگە.