شەفەق نیوز/ سەرچەوەیگ لە بەغداد پایتەخت وت: گەنجیگ لەوەر نەداری، خوەی وماناڵەیلی سزان، ک تەمەنیان لە چوار ساڵان ئەوبان نییە. 

سەرچەوەگە ئەرا ئاژانس شەفەق نیوز وت: گەنجەگە لە ناوچەی حەی نەسر خوەرهەڵات بەغدای پایتەخت، خوەی وماناڵەیلی ئاگر دا، ک تەمەن زاڕووەیلی لە چوار ساڵان رەد نەکردیە، لەوەر نەداری وکەمدەسی، وبڕیان شیوەی ژیانی. 

وەچەودیەیلیگ وتن: وە گالۆنیگ بەنزین وفەندەکیگ، گەنجیگ وەناو عومەر، خوەی وسێ مناڵی ک تەمەنیان هاناو سێ وچوار ساڵان سزان، ک خیزانەگەی وتن؛ نەداری وکەمدەسی رەسانەی ئی کارە.       

کەسوکار قوربانیەگە وتن: عومەر لەناو کەلاوەیگ بی قەواسە بوی، و ماتووسکڵ کۆنەیگ پەکی کەفتیە، هیمانی پویل لەبانی قەرزارە، نا ئومیدی هیشتەی خوەی وزاڕووەیلی بکوشێد،  هاتێ ئی کارە دووارە بوود، چوینگە گەنج عراقی ئمڕوو کەفتیەسە رووژ تەنگی.