شيفەق نیوز/ عوسمان غانمی وەزیر ناوخۆی عراق، ئمڕوو پەنجشەممە، راگەیان رویکردن شاندیگ لە وەزارەتەگەی ئەرا هەولێر لە کوردستان، ئەرا باسکردن لە چەن باوەتیگ لەلیان دەرکردن کارت نیشتمانی ئەرا هاووڵاتیەیل هەرێم. غانمی لە بەیاننامەیگ رەسیە ئاژانس شەفەق نیوز وت: پەیامیگ ئاڕاستە کردیمن لە وەڕێوبەرایەتی ئەهواڵ مەدەنی و پاسپۆرت و جینشینی ئەرا سەردان پارێزگای هەولێر و کۆبونەوە وەگەرد وەڕێووبەرایەتی شناسنامەی کوردستان. غانمی دیاریکرد ک شاندەگە ئەوەسا باس گرنگترین باوەتەگان کەێد لەناوبەین ناوەند وهەرێم لەناویان ئاڵشتکردن جینیشینی و گواستنەوەی نفووس و بەسین تووڕ کارت نیشتمانی و بارەگای وەڕێوبەرایەتی شناسنامەی هەولێر و چارەسەرکردن باوەتە دویاخریایەگان لەباوەت دەرکردن کارت نیشتمانی ئەرا هاووڵاتەیل لە هەرێم و باوەتەیلیگ تر پەیوەندی وە کار ئەهواڵ مەدەنی دیرن.