شەفەق نیوز/ سەرچەوەیگ ئەمنی ورپرس، ئمڕوو جومعە، خەوەردا لە مردن کەسیگ و زەخمداری دو کەس وە دو رۊداو جیاواز  لە باشوور خوەرهەڵات شار موسل ناوەن پارێزگای نەێنەوا باکور عەراق.    

سەرچەوەگە وە ئاژانس شەفەق نیوز وت، منالیگ شوان پەس تۊش زەخمداری ناوەنیگ بۊیە وە مدووی تەقینەوەی بومبیگ وەپی لە نزیک ئاوای (دویزات فوقانی) لە قەزای مەخمور کەفێدە باشوور خوەرهەڵات شار موسڵ. 

وەگورەی سەرچەوەگە ئەو بومبە نوو نییە، وەجیماگەیل شەر ریخریاگ داعشە. 

لە رۊداویگتر سەرچەوەگە دیاریکرد، مردن گەنجیگ و زەخمداری سەختیگ یەکیگتر لە ئەنجام رۊداو هاتوچو ک وە ماتۆرسکڵ تۊشیبۊنە لە ناحیەی کوێر لە باشوور خوەرهەڵات شار موسڵ.