شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە کوشیان دۊتیگ مناڵ، و زەخمداری ٥ کەس لە خیزانیگ، وە رۊداو ئاگر ماڵیگ لە قەزای شەترە باکوور پارێزگاگە. 

سەرچەوەگە ئەرا ئاژانس شەفەق نیوز وت: ئاگر لەماڵیگ لەناوچەی بدعە لە قەزای شەترە باکوور شار ناسریە بۊیەو، و بۊیە هووکار کوشیان مناڵیگ دوو ساڵان، و زەخمداری ٥ کەس و تۊشهاتن خنکیان. 

سەرچەوەگە دیاری کرد ک تیمەیل وەرگری شارستانی رەسینە شۊن رۊداوەگە و ئاگرەگە کپەو کردن، وتیش: ئەو ئاگرە لەوەر ئەوە بۊیەسەو ک خیزانەگە مووم خوەشی وە نیمەی مانگ شەعبان رووشن کردنە.