شەفەق نیوز/ کەنجیگ بیس ساڵان، ئمڕوو پەنجشەممە، تەقەلای کوشتن خوەی دا و کەفتە وەر زەخمەیل سەختیگ، و پۆلیس ئاوی دویای چەن رووژیگ لە مینەکردن تەرم مناڵیگ خنکیاگ پەیا کرد.
سەرچەوەیگ ئەمنی خەوەردا ئاژانس شەفەق نیوز ک کەنجیگ لە بیسەیل تەمەنی لە خەڵک ناحیەی زومار خوەی سزان تا خوەی بکوشێد.
وتیش؛ گەنجەگە کەفتە وەر سوزمانەیل سەختیگ و بریا وەرەو خەسەخانەی جمهوری لە راس مووسڵ، وتیش؛ نەزانریاس ئەراچە هات خوەی بکوشێد.
وەرەو باشوور مووسڵ، سەرچەوەیگ ئەمنی ئەرا ئاژانس شەفەق نیوز وت: دویای چوار رووژ لە مینەکردن، پۆلیس ئاوی توێنست تەرم مناڵیگ ١٢ ساڵان لەنزیک پوڵ ناحیەی قەیارە پەیاکردن، لەوەخت مەلەوانیی لەناو چەمەگە خنکیاگە.
وەگورەی سەرچەوەگە، مەفرەزەیل پۆلیس ئاوی لە نزیک دوورگەی کەنعوس لە خوار باشوور قەیارە پەیای کردن.