شەفەق نیوز/ موقته‌دا سه‌در ریبەر رەوت سەدر، ئمڕوو سێشەممە، فەرمان دادە لایەنگرەیل رەوت سەدر وە کیشانەوەی تەواوی لە ناوچەی خەزرا ناوڕاس بەغداد پایتەخت، و کۆتایی هاوردن وە "شۆڕش عاشوورا" وە ماوەی یەک ساعەت، و وەتونی رەخنەی ئەو رویوەرویبوین چەکدارە کرد ک کەفتە ناوبەین لایەنگرەیلی و هیزەیل پاڵپشت باڵە چەکدارەیل، و وت: کوشیاگ وبکوش هانە ئاگر.
سەدر لە کۆنگرەیگ رووژنامەوانی لە حەنانە لە شار نەجەف وت: بیجگە نووڕستن وەوە ک کی دویەکە دەسکردە فیتنەگە، من وە سەر چەمیاگ ری کەم، و داوای وەخشین لە گەل عراق کەم، ک تەنیا زەرەدمەنە لەو رویداوەیلە، ک بکوش وکوشیاگ هانە ئاگر.
وتیش: وڵاتەگەم دەسوەسەر گەندەڵی و تونوتیژیە وەیەکەو، وتیش: ئومید داشتم ناڕەزایی ئاشتەوایی بوود نەگ وە گولە و قازیفە، یە بەدترین شۆڕشە، وتیش: تا ئی شۆڕشە رەسیە تونوتیژی دی هەر شۆڕش نییە، و لەوەلا وەپی نەویشم شۆڕش، و من رەخنەی شۆڕش رەوت سەدریش کەم.
لەناو لایەنگرەیل رەوت سەدر، ئەوە باوە ک هووزەیل قوربانیەیل دەسکردنەسە جەنگ، سەدر وت: ئیمە دان وە رسوومەیل هووزانە نیەیمن.
دووپات کرد ک هیمان باوەڕ دیرم ک رەوتەگە گووش لە قسەم گرێد، و ئەگەر وەماوەی ٦٠ خولەک لە مانگگردن لە وەردەم پەرلەمان خوەی نەکیشێدەو، من هاشا لە رەوتەگە کەم، وتیش: دی لەوەلا خوەینشاندان ئاشتەوایی نییە، ونیەخوازیمنەی.