شەفەق نیوز/ ریخریایلیگ مرۆیی جەهانی باس مناڵیگ عراقی کووچبەر کردن تەمەنی ٤ ساڵانە، لەناو دارستانیگ یەخین گوما بۊیە، هەنای داڵگ و باوگی مرافەیگ وەرد پاسەوانەیل سنوور پۆڵەندا کردن، لەلیان ویڵ بۊیە، و ئی ریخریایەیلە پەڵپ چگن ئەرا ناوچەگە و مینەکردن مناڵەگە گرن.
و دیاری کردن ک داڵگ و باوگە مناڵ خوەیان دانە دەس کووچبەریگ تر هەنای پاسەوان سنوورەگە وەرەو رووسیای چەرمگ تەکانیان دا، و ئەو دۊیەت مناڵە لە نزیک ئاوای نوی دور لە سنوور پۆڵەندا بۊیە دۊیاترین دیداری.
کاسیا کوسیسزا خانمیگە لە ریخریاگ بی سنوور خیرخوازی وت: ئی مناڵە یا مردگە یا وەی نزیکە مرێد، و ئەگەر مناڵیگ پۆڵەندی بۊیاتار وەنە دەوڵەتەگە کەفتە مینەی.
کاسیا وتیش: بایەتە وەزۊترین وەخت دەس وەمینەکردنی بکریەێد، چۊنکە دەرفەتەیلە کەمەو بوون، و شەوا بوود و سەردترەو بوود، ئەراوە ئەگەر بخوازیمن رزگاری ژکەیمن بایەتە هەر ئیسە بکەیمن.
ئانا میچالسکا خانمە قسەکەر وەناو پاسەوان سنوور پۆڵەندا وت: کەسەیل ئەمنی هەنای زانیاری وەگومابۊن مناڵەگە لە نیمەڕو رووژ سێشەممە، دەسکردنە مینەی.
میچالسکا وتیش: فەرمان دریا وە دەوریەیلیگ تر لەناو ئەو ناوچە ک گومانە دۊیەتەگە لەناوی بوود، و هەمیش وە هەلیکۆپتەریش مینەی کردیمن، وەکێ کەسیگ پەیا نەکردیمن، چالاکوانەیلیگ ئۊشن ئەو تەقەلایلە کەمە.