شەفەق نیوز/ دەزگای "ئاسایش نشتیمانی" عراق، ئمڕوو چوارشەممە، راگەیان 33 کەس دەسگیرکریانە ک توومەتبارن وە دۆسیەی چزداین ئەلکترۆنی لە عراق، ئەرا لایەنیگ تایبەت کلکریانە تا سزای دادپەروەرانەی خوەیان وەربگرن.
دەزگاگە لە بەیاننامیگ رەسیە ئاژانس شەفەق نیوز باس کرد، پرۆسەی دەسگیرکردنەگە، لە دویای ئەوە هات" شمارەیگ هاوڵاتی شکات کردن ک تویش چزدان ئەلکترۆنی بوینە".
ئاشکەرایکرد، پروسەی دەسگیرکردنەگە وە لایەن مەفرەزەی دەزگاگە لە بڕیگ پارێزگا ئەنجام دریاگە، وە رەزامەندی دادوەر، وتیش،" دەسگیرکریاگەیل تەقەلای هاککردن هاووڵاتیەیل دانە و دویاجار هەڕەشەیان دانە لەری تووڕەیل کۆمەلایەتی لە وەرانوەر وەرگردن بڕیگ پویل".