رخەیل پیسبوین ژینگە و ئاڵشتبوین کەشوهەوا و ئەو مەترسیەیلە کە لەبان ژیان خەڵک دروس کەێد.

 کۆمیسیۆن ئمڕوو لە بەیاننامەگ وە بوونەی رووژ جەهانی وزەی پاک، باس لەوە کرد کە گام چارەسەرکردن ئی پرسە بایەسە ئاشکرا و بوود، و وڵاتەیل پیشکەفتگ پیشەسازییش بایەسە وەرپرسیارێتی کاریگەرییەیل ئی دیاردە هەڵبگرن کە گەلەیل کەم گەشەسەن وەدەسیەو ماڵن تا چەن ساڵیگ، داوای گرنگی جیوەجیکردن سیاسەت یەکسان و دادپەروەرانە و جددی کرد ئەرت چارەسەرکردن پیسبوین ژینگە و دەسمیەتیداین وڵاتەیل کەم پیشکەفتگ ئەرا گونجانن ژيرخان خوەیان وەرد ستانداردە جەهانییەیل.

 کۆمسیۆن زوور لە گرنگی دەسوەرکردن وەکارهاوردن وزەی پاک و ریەدابن بە عراقییەیل ئەرا چێژوەرگردن لە سەروەت و سامانەیلیتن، و دروسکردن خوەشگوزەرانی و پیشکەفتن ئەرا خەڵک، و مقیەتیکردن مافەیلیان لە تەندروسی و ژینگەیگ پاک و بی پیسبوین لە رب هەماهەنگی و هاوکاری ناودەوڵەتی.

کۆمەڵەی گشتی (بڕیارنامەی ٣٢٧/٧٧) ٢٦ کانوون دویەم جویر رووژ ناودەوڵەتی وزەی پاک ناسان جویر بانگەوازیگ ئەرا بەرزکردن ئاست هووشیاری خەڵک و گردەوکردنیان ئەرا کارکردن ئەرا ئاڵشتکردنیگ دادپەروەرانە و گشتگیر ئەرا وزەی پاک ئەرا بەرژەوەنی خەڵک و هەسارەگە.

 ٢٦ کانوون دویەم، رووژ دامەزرانن ئاژانس ناودەوڵەتی وزەی نووە، کە دەزگایگ جەهانیی ناوەین حکومەتەیلە و لە ساڵ ٢٠٠٩ دامەزریاس ئەرت پاڵپشتیکردن وڵاتەیل لە ئاڵشتکردن وزەیان، و سەکوویگە ئەرا هاوکاری ناودەوڵەتی و ئەرا دابینکردن داتا و شیکاری لە تەکنەلۆژیای وزەی پاک، داهێنان، سیاسەت و دارایی و بەرهەمهاوردن.