شەفەق نیوز/ رویداو هاتوچو دڵتەزنیگ لە پارێزگای کەربەلا، ئمڕوو شەممە، بویە هووکار مردن و زەخمداری ١١ کەس.
سەرچەوەیگ ئەرا ئاژانس شەفەق نیوز وت " رویداو هاتوچو دڵتەزنیگ لەبان ری ناوبەین قەزای عەین تەمر وناوەند پارێزگای کەربەلا بویە هووکار کوشیان هەفت کەس و چوار زەخمدار.
سەرچەوەگە وتیش: ماشینەیل فریاکەفتن رەسینە شوین رویداوەگە و زەخمدارەیل هەڵگردن، وتەرم قوربانیەیل ئەرا پزیشک دادوەری بردن.