شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوەردا لە مردن و زەخمداری 5 کەس وە رویداو هاتوچوی لە باکوور خوەرهەڵات بەعقوبە.
سەرچەوەگە وە ئاژانس شەفەق نیوز وت، مەدەنیگ گیان لەدەسداس و چوار کەسیش زەخمداربوینە وە پلیان ماشینیان لەبان ری (خاڵس - بەعقوبە) 11 كم باکوور خوەرهەڵات بەعقوبە.
وتیش تەرم قوربانیەیل ئەرا پزیشک دادوەری کلکریاس، زەخمدارەیلەیش ئەرا چارەسەرکردن بریانە ئەرا خەسخانە.