شەفەق نیوز/ دوو سەرچەوەی ئەمنی، ئمڕوو شەوەکی خەوەردان لە مردن و زەخمداری مەدەنیەیل وە رویداو هاتوچو لە پارێزگایەیل دیالە و نەینەوا.
سەرچەوەیگ ئەمنی لە دیالە وە ئاژانس شەفەق نیوز وت، " گەنجیگ گیان لەدەسدایە و یەکیگیش تویش زەخمداری سەختیگ بویە وە رویداو تلیانیگ وەبی مەبەست لە نزیک گەرەک زەهرا لە باشوور قەزای خاڵس 15کم باکوور خوەرهەڵات بەعقوبە".
وتیش،" زەخمدارەگە ئەرا کلکریایە ئەرا خەستەخانە، و تەرم قوربانیەگەیش ئەرا فەرمانگەی پزیشک دادوەری بەعقوبە کلکریایە دەسڵاتدارەیل هاتوچو لێکۆڵینەوە لە رویداوەگە وازکردنە".
سەرچەوەیگ ئەمنییش لە نەینەوا وەئاژانس شەفەق نیوز خەوەردا لە زەخمداری سێ کەس وە رویداو هاتوچو لە ری بەغدا- موسڵ، دیاریکرد بارودۆخ تەندروسی هەرسێگیان ناجیگیرە.