شەفەق نیوز/ سەرچەوەیگ ئەمنی لە موسەنا باشوور عراق، ئمڕوو شەممە، خەوەردا لە مردن و زەخمداری 4 کەس لە خێزانیگ وە رویداو هاتوچو ، دیاریکرد خێزانەگە دانشتگ زیقارن.
سەرچەوەگە وە ئاژانس شەفەق نیوز وت "رویداویگ هاتوچوی لە سنوور پارێزگای موسەنا رویدایە مەوقەی گلەوخواردنیان لە زیارەت شوینەیل پیرۆز".
سەرچەوەگە وتیش "رویداوەگە بویە هووکار مردن پیاوگ و دویەتەگەی دەسوەجی و ژن و کورەگەی تویش زەخمداری سەختیگ هاتن".