شەفەق نیوز/ هەڵویست پەتای ڤایرۆس کۆڕۆنا لە عراق، ئمڕوو یەکشەممە، توومارکردن ٣٨ مردن و زیاتر لە دوو هەزار تۊشهاتن نوو وە ڤایرۆس کۆڕۆنا لە ماوەی ٢٤ ساعەت گوزەیشتە نشان دا.
وەزارەت تەندروسی وەگوروی خشتەی هەڵوێست پەتاگە ک رەسیە ئاژانس شەفەق نیوز؛ ٢١٣٩ تۊشهاتن نوو وە ڤایرۆس کۆڕۆنا توومار کرد، وەرانوەر ٣٦٥٨ خاسەوبۊن.
خشتەگە هەمیش نشان دا ک ٣٨ مردن لەوەر پەتاگە توومار کریا، و ٣٤٢٤٥ کەس واکسین دژوە ڤایرۆسەگە وەرگردن.