شەفەق نیوز/ دەسەی حەشد شەعبی، ئمڕوو یەکشەممە، خەوەردا لە مردن ئەندامیگ ک وە پەلامارەیل ئەمریکا وەبان "جرف النصر - جرف الصخر وەرین" باکوور پارێزگای بابل زەخمدار بوی.
دەسەگە لە بەیاننامەیگ وت، جەنگاوەر (ماجد عەبدولکازم شیباوی) شەوەکی ئمڕوو یەکشەممە مردیە، لە ئەنجام زەخمداری بوین سەختیگ وە پەلامارەیل ئەمریکا وەبان " جرف النصر " لە هەفتەی گوزەشتە.
وەپای بەیانامەگە ئامار قوربانیەگەی هیزەیل حەشد رەسیە 9 کەس، تا ئیسە 3 زەخمدار هانەژیر چارەسەرکردن وەپای بەیاننامەگە.