شەفەق نیوز/ سەرچەوەیگ ئەمنی لە دیالە، ئمڕوو چوارشەممە، خەوەردا لە مردن گەنجیگ و هەرزەکاریگ وە دوو رویداو جیا لە پارێزگاگە.   

سەرچەوەگە وە ئاژانس شەفەق نیوز وت، گەنج 25 ساڵانیگ لە ری شۆرت کارەبایی هونککەرەوەی وا " موبەریدە" گیان لە دەس دایە لە قەزای خاڵس، وتیش تەرم قوربانیەگە ئەرا پزیشک دادوەری کلکریایە و دەسڵاتدارەیل ئەمنی لێکۆڵینەوە لە رویداوەگە وازکریایە. 

لە رویداو جیایگ تیمەیل پۆلیس دەریاوانی و مەردم مینەی تەرم هەرزەکاریگ کەن لە چەم دیالە لە دەوروبەر ناحیەی جەلەولا، لەکات تەقەلادانی ئەرا مەلەوانیکردن لە چەمەگە. 

وتیش، هەرزەکارەگە 14 ساڵانە هەنای تەقەلای مەلوانی دایە وەگەرد براگەی لە چەم دیالە خنکیایە، براگەی قورتاری بویە باوجی کورە هەرزەکارەگە تا ئیسە دیار نییە.