شەفەق نیوز/ دوو سەرچەوەی ئەمنی، ئمڕوو یەکشەممە، خەوەردا لە مردن مەدەنیگ وە رویداو هاتوچوی لەناوەین دیالە و هەرێم کوردستان و پەیاکردن تەرم پیاویگ لەناو ماڵەگەی.
سەرچەوەیگ ئەمنی لە دیالە وە ئاژانس شەفەق نیوز وت، " گەنجیگ وە رویداو لەیەکداین ماتۆڕسکیلەگەی وەرد ماشینیگ گیان لەدەسدا لەبان ری خانەقین-کەلار".
وتیش، "تەرم قوربانیەگە ئەرا پزیشک دادوەری کلکریاس و دەسڵاتدارەیل هاتوچوو رێکارەیل پێویست گردنە".
سەرچەوەیگ ئەمنیتر لە سەڵاحەدین خەوەردا لە پەیاکردن تەرم پیاویگ شەست ساڵان وە مردگی لەناو ماڵەگەی لە بارودخ نادیاریگ لە خوەرهەڵات پارێزگاگە.
سەرچەوەگە وە ئاژانس شەفەق نیوز وت، " هیزەیل ئەمنی تەرم پیاویگ شەس ساڵان پەیاکردنە لەناو ماڵەگەی لە دەوروگەرد شار دوزخورماتوو خوەرهەڵات سەڵاحەدین"، وتیش " پیاوەگە وە تەنیا زندگی کردیە، وەپای راپۆرتەیل پزشکی چوار رووژە لە بان مردنەگەی رەدبویە".
وتیش، " تەرم پیاوەگە ئەرا پزیشک دادوەری کلکریاس و دەسڵاتدارەیل ئەمنیملێکۆڵینەوە لە رویداوەگە وازکردنە".