شەفەق نیوز/ دەسەی تەندروسی و ژینگەی پەرلەمانی، ئمڕوو یەکشەممە، راگەیان میوانکردن حەسەن تمیمی وەزیر تەندروسی وژینگە لەباوەتەیل گەندەڵی و ریکارەیل وەزارەتەگە ئەرا نواگردن پەتای کۆڕۆنا.
عراق لە وەخت بڵاوبوین پەتاگە تا ئیسە ٢٥٢،٠٧٥ تووشهاتن وە ڤایڕۆس کۆڕۆنا تۆمارکرد، لەلیان ٧،٣٥٩ کەس مردن، و ١٩١،٣٦٨ خاسەوبوین.
جواد موسەوی ئەندام دەسەگە ئەرا ئاژانس شەفەق نیوز وت: دەسەگە ئەوەسا لە هەفتەی ئایندە میوانکردنیگ ئەرا حەسەن تمیمی وەزیر تەندروسی و جینشینەیل وەزارەتەگە کەێد، ئەرا باسکردن لە ژمارەیگ لە باوەتەگان لەلیان فەوتانن دارایی گشتی و سەنین دەرمان و سکاڵایلیگ لەباوەت گورچگ شووردن و دەرمانەیلیگ سەرەتانی، وئاماژەکرد ک دەسەی تەندروسی وژینگەی پەرلەمانی ئەوەسا وەگەرد وەزیرەگە لە میوانکردنەگە باس ریکارەیل وەزارەتەگە کەێد لە نواگردن پەتای کۆڕۆنا، و تاقیکردنەگان ئەرا تووشهاتگەیل و فەرمانبەرکردنەگان ئەرا پزشک و کادرە تەندروسیەگان.