شەفەق نیوز/ دەیان لە کادرە پزیشکیەگان و پزشکەیل دگان و دەرمانسازی لە دیالە دەرچگنە خۆپیشاندان داواکردن مووچەیلیان ک لە ١٣ مانگ دەیر کەفتنە.

پەیامنێر ئاژانس شەفەق نیوز وت: فەرمانبەرەیل تەندروسی و پزشکیەگان، ئمڕوو، لەوەردەم بینای پارێزگای دیالە خۆپیشاندان ئەرا دابەشکرن مووچەیلیان کردن ک لە ١٣ مانگ دەیر کەفتنە.

و لەزوان خۆپیشاندەرەگان وت: ک خوەیان لە کانون دوویەم ٢٠٢٠ دەس وە فەرمانبەری کردنە، و تا ئیسە هیچ مووچەیگ وەر نەگردنە، هەرچەن فەرمان ئیداری وە خەرجکردنیان هەس، و داوای چارەسەرکەردن گیچەڵە رۆتینی و ئیدارەیەگان کردن و مەرەقەزکردن مووچەیلیان وەزویتربن وەخت.

هەمیش خۆپیشاندەرەگان هەڕەشەی بایکۆتکردن دان ئەگەر داواکارییان جیوەجی نەکریەن، و چارەسەری گشت گیچەڵ و ریکارەگان نەکەن ک بوینە هووکار لە دیرکەفتن خەرج مووچەیلیان لەناونی وەزارت تەندروسی و ئیدارەی پارێزگاگە و فەرماندەی تەندروسی دیالە.