شه‌فه‌ق نيوز/ نورى مالكى سه‌ركرده‌ى ئئتلاف ده‌وڵه‌ت ياسا، وشدارى دا له‌باره‌ى سه‌ختيه‌يليگ ك هه‌ڕه‌شه له وجوود و ئاينده‌ى عراق بكا، دوايش كرد گشت پيكهاته‌يل به‌شدار بوون له داناين نه‌خشه‌ڕێ له‌وه‌ر خاتر زاڵبوين له‌بان قه‌يران له وڵاته‌گه.
مالكى له به‌ياننامه‌يگ ئه‌را شه‌فه‌ق نيوز وت: ئه‌و روێداگه‌يله ك عراق وه‌پيه‌و گوزه‌ر كردگه له 2003 تائيسه كاريگه‌رى كرده‌سه بان هه‌ڵكه‌فت ده‌روينى كۆمه‌ڵگاى عراق و ئحساس و ديارده‌يل خراو له‌لاى پيكهاته‌يل له‌لى كه‌فته‌سه‌و جوور جاڕسبوين و داوه‌زين مه‌عنه‌ويات و دڵته‌نگى و ناخوه‌شى و ره‌شبينى له ئيسه‌و ئاينده.
جى باسه، مالكى هه‌ميش وت: ئه‌و سه‌ختيه‌يله ك وجوود نيشتمان و چاره‌نويس و ئاينده‌ى ئه‌گرێده ئامانج و كيشه‌يل خراو ده‌روينى كۆمه‌ڵگايى له‌لى ئه‌كه‌فێده‌و، ئه‌خاده‌مانه وه‌رده‌م دو بژارده، يه‌كه‌ميان خوه‌ى له راده‌سكردن و نيگه‌رانى و شكه‌ست و دڵته‌نگى و هويره‌وكردن خراو و ره‌شبينى دوينێده‌وه‌و، يا ئه‌وه‌سه دگان وه‌خوه‌يگرتن و گه‌شبينى وه توانايه‌يل نه‌ته‌وه‌و ئوميد وه ئاينده‌و جدديه‌ت له كار.