شەفەق نیوز/ سەرچەوەیگ ناوخوەیی، ئمڕوو چوارشەممە، خەوەردا لە کوشیان کەسیگ و زەخمداری دوو کەس لەئەنجام مەرافە وە چەقوو لەناوڕاس بەغدای پایتەخت.
سەرچەوەگە وە ئاژانس شەفەق وت، مەرافیگ لە نیوان دوو سەرخوەش رویدایە لە نزیک هۆتیل " قەسر ئەندەلۆس" لە جادەی ئەبی نواس لەناوراس بەغدا، لەو وەختە ئامرازەیل تیژ و چەقوو وەکارهاوردنە،و بویە هووکار کوشیان کەسیگ و زەخمداری دوو کەس.
وتیش، هیزەیل ئەمنی ئاخڵەی شوینەگە دانە و زەخمدارەیل ئەرا خەسخانە کلکریانە و تەرمەگەش ئەرا پزیشک دادوەری، دیاریکرد، لێکۆڵینەوە لە رویداوەگە وازکریایە.