شەفەق نیوز/ سەرچەوەیگ ئەمنی ل پارێزگای زیقار، ئمڕوو سێشەممە، خەوەردا لە دروسبوین مرافەیگ چەکداری سەختیگ لەناوڕاس شار ناسڕیە ناوەن پارێزگاگە لەبان کەموتەر.
سەرچەوەگە وە ئاژانس شەفەق نیوز وت، مەرافەیگ چەکداری لە کویچەی شەهیدەیل لە جادەی (ئەبو لوبنان) ناوڕوس شار ناسڕیە دروس بویە، چەک ناوڕاس و نارنجە وەکار هاوردنە، وتیش مەرافەگە لەبان کەموتەر جوانی بویە.
وتیش" مەرافەگە بویە هووکار زەخمداری پیاویگ شەس ساڵان و ماڵ یەکیگ لە لایەنەیل تویش زەرەد مادی بویە، دووپاتکرد، هێزەیل ئەمنی رەسینە شوین رویداوەگە هەردگ لا دەسگیر کردیە".
لەلایگتر، گەنجیگ بیس ساڵان ک فەرمانبەر بویە لە وەزارەت نەفت/ کۆمپانیای نەفت زیقار خوەیکوشتیە وە تەقەکردن لە خوەی لەناو ماڵیان لە ناوچەی فحێلی لە قەزای قەڵعەت سوکەر باکوور پارێزگای زیقار.
.