چەم دیجلە یە شەشەم گەنجە لە نەینەوا لەی ساڵە رفنێد

شەفەق نیوز/ پۆلیس ئاوی لە نەینەوا، ئمڕوو چوارشەممە، تەرم گەنجیگ خنکیاگ لەناو چەم دیجلە دراورد.

سەرچەوەیگ ئەمنی ئەرا ئاژانس شەفەق نیوز وت: گەنجیگ لەناو تەمەن بیس ساڵان، دویەکە مەوقەی مەلوانیی لە چەم دیجلە نزیک حاوی جۆسق لەلای راس شار مووسڵ خنکیا.

سەرچەوەگە وتیش: مەلەوانەیل پۆلیس ئاوی، ئمڕوو توەنستن تەرمەگەی لەبن چەمەگە درارن. ویە شەشەم خنکیاگە لەی ساڵە.